Colombo Today Local News

හෙරොයින් වැටලීමකට ගිය පොලීසියට කාන්තාවන්ගෙන් ගල්මුල් ප්‍රහාරයක්…

අනුරාධපුර, සමුහ ගොවිපල පුබුදුපුර ප්‍රදේශයේදී පොලිස් නිලධාරීන්ට ගල්මුල් ප්‍රහාර එල්ල කළ කාන්තාවන් 6 දෙනෙකු අත්අඩංගුවට ගෙන තිබේ.

ඒ, හෙරොයින් සමග සැකකරුන් සිව්දෙනෙක් අත්අඩංගුවට ගැනීමට යාමේදීය.

පුබුදුපුර ප්‍රදේශයේදී ඊයේ (16)දින කළ මෙහෙයුමකදී හෙරොයින් ග්‍රෑම් 14 යි මිලිග්‍රෑම් 220 ක් සමග සැකකරුවන් සිව්දෙනෙක් අත්අඩංගුවට ගෙන තිබේ.

ඒ, එම සැකකරුවන් පුබුදුපුර ප්‍රදේශයේ නිවසක රැඳී සිටියදීයි.

අත්අඩංගුවට ගත් සැකකරුවන් සිව්දෙනා පොලීසිය වෙත රැගෙන ඒමේදී ඔවුන් මුදා ගැනීම සඳහා කාන්තාවන් 6 දෙනෙකු පොලිස් නිලධාරීන්ට ගල් මුල් ප්‍රහාරයක් එල්ල කර ඇතැයි පොලිස් මාධ්‍ය ඒකකය නිකුත් කළ නිවේදනයේ සඳහන් ය.

සිද්ධියෙන් පොලිස් නිලධාරියෙකු තුවාල ලබා ඇති අතර ඔහු ප්‍රථිකාර සඳහා අනුරාධුපර ශික්ෂණ රෝහලට ඇතුළත් කර තිබේ.

හෙරොයින් සමග අත්අඩංගුවට ගත් සැකකරුවන් සිව්දෙනා සහ සැකකාරියන් 06 දෙනා අද අනුරාධපුර මහේස්ත්‍රාත් අධිකරණයට ඉදිරිපත් කිරීමට නියමිතයි.

මෙම මෙහෙයුම අතරතුර එක් සැකකරුවෙකු පළා ගොස් ඇති අතර ඔහු අත්අඩංගුවට ගැනීමට විමර්ශන ආරම්භ කර ඇතැයි පොලීසිය පවසයි.

Related posts

තොරතුරු දැනගැනීමේ පනත ඒකමතිකව සම්මතයි

colombotoday

“රනිල් වනාහී නුතනත්වයේ දාසයෙකි.. ETCA අත්සන් කිරීමට යාමේ හේතුව එයයි” – මහාචාර්ය නලින් ද සිල්වා

colombotoday

මිනුවන්ගොඩ ඇඟළුම් කම්හලේ සේවකයින් ඇසුරු කළ පිරිස් වෙත විශේෂ දැනුම් දීමක්

colombotoday

සිග්නල් නෑ. වයි ෆයි එක ගහේ. | ටොයිලට් එක උඩ නැගලා දරුවන්ට උගන්වන හාමුදුරුවෝ

colombotoday

පෝලීම්වල ඉන්න එපා. ගෘහස්ථ ගෑස් අද බෙදා හරින්නේ නැහැ – ලිට්‍රෝ සමාගම

colombotoday

සංශෝධිත යෝජනාව අද මානව හිමිකම් කවුන්සිලයට

colombotoday