හංවැල්ල තිත්තපත්තර ප්‍රදේශයේදී ඊයේ (16) රාත්‍රියේ යතුරු පැදියක් ලොරි රථයක ගැටී සිදුවූ අනතුරකින් දෙදෙනෙක් ජීවිතක්ෂයට පත්ව තිබේ.
යතුරු පැදිකරු සහ යතුරු පැදියේ පිටුපස සිටි පුද්ගලයා තුවාල ලබා රෝහල් ගත කිරිමේදී එක් අයෙක් මිය ගොස් ඇති අතර අනෙක් පුද්ගලයා වැඩිදුර ප්‍රතිකාර සඳහා ගම්පහ රෝහලට මාරු කර යවා තිබේ.
එහිදී එම පුද්ගලයාද ප්‍රතිකාර ලබමින් සිටියදී මිය ගොස් තිබෙන බව පොලිසිය සඳහන් කරයි.
වයස අවුරුදු 27 සහ 28 වයස්වල පසුවන තරුණයින් දෙදෙනෙකු මෙලෙස මියගොස් ඇති අතර මොවුන් හංවැල්ල සහ වග ප්‍රදේශවල පදිංචිකරුවන්ය.
ලොරි රථයේ රියදුරු අත්අඩංගුවට ගෙන ඇති අතර දොම්පේ පොලිසිය වැඩිදුර විමර්ශන සිදුකරනු ලබයි.