QR කේත ක්‍රමයෙන් බැහැරව ඉන්ධන නිකුත් කරන පිරවුම්හල්වලට එරෙහිව දැඩි පියවර ගන්නා බව විදුලිබල හා බලශක්ති අමාත්‍යාංශය පවසයි.
මේ වනවිට ඒ සම්බන්ධයෙන් පැමිණිලි රැසක් ලැබී ඇති බව අමාත්‍යාංශය පවසයි.
QR කේතය මගින් පිරවුම්හල්වලින් නිකුත් කරන සියලු ඉන්ධන තොග අදාළ මෘදුකාංගය හරහා ගණනය වේ.
ඒ අනුව සෑම දින දෙකකට වරක්ම එක් එක් පිරවුම්හලින් නිකුත් කර ඇති ඉන්ධන ප්‍රමාණය පිළිබඳව ලිඛිතව දැනුම්දීමක් සිදු කෙරෙන බව ද අමාත්‍යාංශය පවසයි.
එහිදී QR කේත ක්‍රමයට බාහිරව නිකුත් කර ඇති ඉන්ධන ප්‍රමාණය පිළිබඳ සාධාරණ හේතු නොදැක්වුවහොත් එවැනි පිරවුම්හල්වලට සපයන ඉන්ධන ප්‍රමාණය සීමා කරන බව ද විදුලිබල හා බලශක්ති අමාත්‍යංශය වැඩි දුරටත් සදහන් කරයි.