දළදා මාලිගාවේ නාමය භාවිත කරමින් මුදල් එකතු කිරීමේ ජාවාරමක් රටේ ක්‍රියාත්මක වන බවත් එයට දළදා මාලිගාවේ කිසිදු සම්බන්ධයක් නොමැති බවත් ශ්‍රී දළදා මාලිගාවේ දියවඩන නිළමේ ප්‍රදීප් නිලංග දෑල පවසයි.
රාජධානි පිහිටුවීමේදී රජ මාලිගාව අභියසින් දළදා වහන්සේ තැන්පත් කර පුදපූජා පැවැත්වීම අතීතයේ පටන් පැවත ආ චාරිත්‍රයක් බවත් දළදා වහන්සේ නොමැතිව දළදා මාලිගාවක් තිබිය නොහැකි බවත් ඒ මහතා කීය.දළදා මාලිගාව හා සමාන නමක් භාවිත කරමින් ධාතූන් වහන්සේලා තැන්පත් කිරීම සඳහා බෞද්ධ බැතිමතුන් ගෙන් මුදල් එකතු කිරීමේ වැඩපිළිවෙළ සම්බන්ධව අදහස් දක්වමින්ය.
ධාතූන් වහන්සේලා තැන්පත් කරන ස්ථානයකට දළදා මාලිගාව යන නාමය යෙදීම පිළිගත නොහැකි බවත් මෙම කරුණු සම්බන්ධව බෞද්ධ ජනතාව අවධියෙන් සිටිය යුතු බවත් ධාතූන් වහන්සේලා තැන්පත් කර ඇති ස්ථානය හඳුන්වන්නේ ධාතු මන්දිරය ලෙසින් මිස දළදා මාලගාව ලෙසින් නොවන බවද ඒ මහතා පවසයි.