2021 අධ්‍යයන පොදු සහතික පත්‍ර සාමාන්‍ය පෙළ විභාගය අදින් අවසන් වේ.
2021 වසරේ දෙසැම්බර් මාසයේ පැවැත් වීමට තිබූ අ.පො.ස සාමාන්‍ය පෙළ විභාගය කොවිඩ් වසංගතය හේතුවෙන් මාස 05ක් කල් දමා තිබු අතර එය මැයි 23 වනදායි ආරම්භ විය.
මෙවර විභාගය සඳහා පාසල් අයදුම්කරුවන් 407,129ක් හාපෞද්ගලික අයදුම්කරුවන් 110 ,367ක් පෙනී සිටි අතර දිවයින පුරා විභාග මධ්‍යස්ථාන 3,842ක හා සම්බන්ධීකරණ මධ්‍යස්ථාන 542 ක විභාග කටයුතු පැවැත්විණි.
මේ අතර සාමාන්‍ය පෙළ විභාගයට පෙනී සිටින මධ්‍යස්ථානය ජලයෙන් යටවී ඇත්නම් ළඟම පිහිටි වෙනත් විභාග මධ්‍යස්ථානයක විභාගයට පෙනි සිටීමට අපේක්ෂකයින්ට පහසුකම් සලසා ඇතැයි විභාග කොමසාරිස් ජනාරාල් එල්. එම්. ඩී. ධර්මසේන මහතා ප්‍රකාශ කර තිබේ.
ඔහු සඳහන් කරන්නේ, ගංවතුරෙන් සිදුවන මාර්ග අවහිරතා වළක්වා ගැනීමට ආපදා කළමනාකරණ මධ්‍යස්ථානයේ මෙහෙයවීමෙන් විභාග අපේක්ෂකයින් වෙනුවෙන් අද දිනයේ බෝට්ටු සේවා ද ක්‍රියාත්මක බවයි.