Colombo Today Local News

ඊයේ රාජ්‍ය සේවකයන් ලක්ෂ එකහමාරක් වැඩට ගිහින් නෑ…

ඉන්ධන අර්බුදයත් සමග පැන නැගී ඇති ප්‍රවාහන ගැටලුව හේතුවෙන් රජයේ සේවකයන් සියයට දහයක් පමණ ඊයේ (02) දිනයේ සේවයට වාර්තා කර නැතැයි රාජ්‍ය සේවා, පළාත් සභා හා පළාත් පාලන අමාත්‍යාංශයේ ජ්‍යෙෂ්ඨ නිලධාරියෙක් පවසයි.

සමස්ත රාජ්‍ය සේවකයන් සංඛ්‍යාව ලක්ෂ 15ක් වන අතර ඉන් ලක්ෂ එකහමාරක පමණ පිරිසක් සේවයට වාර්තා කර නැතැයි එම නිලධාරියා කියයි.

ලංගම හා දුම්රිය සේවාවන් සුපුරුදු පරිදි ධාවනය කෙරෙන නමුත් පෞද්ගලික බස් රථ දහඅටදහසක ප්‍රමාණයෙන් ඊයේද ධාවනය වී ඇත්තේ ඉන් තුනෙන් එකක පමණ ප්‍රමාණයකි.

කාර්යාල ප්‍රවාහන සේවාවන් සඳහා යොදා ගැනෙන බස් රථවලටද ඉන්ධන සපයා ගැනීමේ අපහසුතාව හේතුවෙන් රාජ්‍ය සේවකයන්ට සේවයට වාර්තා කිරීමේදී දුෂ්කරතාවන්ට මුහුණදීමට සිදුව තිබේ.

ඉන්ධන ගැටලුව නිසා රජයේ සේවකයන් සතියකට දින තුනක් හෝ හතරක් සේවයට කැඳවීම සම්බන්ධව ජාතික කම්කරු ​උපදේශක සභාවේදී පසුගිය 21 වැනිදා සාකච්ඡා කළද මෙතෙක් අවසන් තීරණයකට එළැඹ නොමැත.

Related posts

ශ්‍රී ලංකාවට පරිත්‍යාග කළ සක් සුරින් නැවතත් තායිලන්තයට

Admin

රන්ජන්ට බන්ධනාගාරයේ විශේෂ වරප්‍රසාද. | වෙනම රූපවාහිනියක්, විදුලි පංකාවක්, මෙට්ටයක් හා වැසිකිළියක් ලබා දීලා.

colombotoday

හෙට පාර්ලිමේන්තුව රැස්වන බවට කථානායකගෙන් නිවේදනයක්

colombotoday

ඌව වෙල්ලස්ස සරසවි ආචාර්ය සංගමය විරෝධයක

Admin

ඉෂාලනි දැරිය පිලිස්සී මියයාම – රිෂාඞ් බදියුදීන් සැකකරුවෙකු ලෙස නම් කරයි.

colombotoday

කෝප් කමිටුවට සුජීව සේනසිංහ පත්කෙරේ

colombotoday