පාස්කු ප්‍රහාරයේ වින්දිතයින්ට සාධාරණත්වය ඉටුකිරීම සඳහා ජාත්‍යන්තර සහය ගැනීම හැර විකල්පයක් නැතැයි ශ්‍රී ලංකා කතෝලික රදගුරු සම්මේලනය පවසයි.
එම සම්මේලනය නිකුත් කර ඇති නිවේදනයක දැක්වෙන්නේ, රජය සහ නීතිපති දෙපාර්තමේන්තුව පාස්කු ඉරුදින ප්‍රහාරය පිළිබඳව විමර්ශන කොමිසන් සභාව විසින් කර තිබෙන නිර්දේශ ක්‍රියාත්මක කිරීමට අපොහොසත් වීම පිළිබඳව ශ්‍රී ලංකා කතෝලික රදගුරු සමුළුව මවිතයටත්, කණගාටුවටත් පත්ව සිටින බවයි.
සත්‍ය පමාවීම පමණක් නොව,සත්‍ය සැඟවීමටත්, දේශපාලන වාසි සඳහා මෙම ඝාතනය ප්‍රයෝජනයට ගැනීමට සහ ප්‍රශ්න සංකීර්ණ කිරීමටත්, උත්සායක් ඇති බව පෙනෙන්නට තිබෙන හෙයින් වින්දිතයින්ට යුක්තිය සහ සාධාරණනත්වය ඉටු කරදීම සඳහා ජාත්‍යන්තර සහය ගැනීම හැර වෙනත් විකල්පයක් නොදකින බව ශ්‍රී ලංකා කතෝලික රදගුරු සම්මේලනය පවසයි.
