හොරණ නගරය කේන්ද්‍ර කරගනිමින් අද (31) දිනයේ ඩෙංගු මදුරුවන් බෝවන ස්ථාන සොයා විශේෂ ඩ්‍රෝන මෙහෙයුමක් සිදුකර තිබේ.
බස්නාහිර පළාත් ආණ්ඩුකාර මාෂල් ඔෆ් ද එයාෆෝස්, රොෂාන් ගුණතිලක මහතාගේ මෙහෙයවීමෙන් සිදුකර ඇත.
ආණ්ඩුකාර මෙහෙයුම් මැදිරිය හා ගුවන් හමුදාව ඒකාබද්ධව එම මෙහෙයුම සිදුකර තිබේ.
එම මෙහෙයුම සඳහා හොරණ සෞඛ්‍ය වෛද්‍ය නිලධාරී කාර්යාලය, හොරණ පොලීසිය හා හොරණ නගර සභාව එක්ව ඇත.
මෙහිදී ඩ්‍රෝන කැමරාව මඟින් නගරයේ ගොඩනැගිලි ඇතුළු නොයෙක් ඉහළ ස්ථානවල තිබී වතුර රැඳෙන ඩෙංගු මදුරුවන් බෝවිය හැකි ස්ථාන රැසක් හඳුනා ගැනීමට හැකිව තිබේ.
පසුව මහජන සෞඛ්‍ය පරීක්ෂකවරුන් සහ පොලීසිය එම ස්ථාන හිමිකරුවන් ට අවවාද කිරීමට කටයුතු කර ඇත.