Colombo Today Local News

රු.5000කට බෝම්බයක් විකුණන්න හැදූ අයෙක් පොලිස් දැලේ

රුපියල් 5000ක මුදලකට බෝම්බයක් අලෙවි කිරීමට උත්සහ කළ පුද්ගලයෙකු කැස්බෑව ප්‍රදේශයේදී පොලීසිය විසින් අත්අඩංගුවට ගෙන තිබේ.

පොලිසිය පවසන්නේ මෙලෙස අත්අඩංගුවට ගෙන ඇත්තේ “මොරටුමුල්ලෙ ඔස්කා” නමැති අයෙකු බවය.

මොරටුමුල්ලේ ප්‍රදේශයේ අයෙකු බෝම්බයක් අලෙවි කිරීමට ගැණුම්කරුවෙකු සොයමින් සිටින බවට ලද තොරතුරකට අනුව සැකකරු අත්අඩංගුවට ගැනීමට පොලිසිය මෙහෙයුමක් ආරම්භ කර තිබේ.

එහිදී පොලිසිය උපාය දූතයෙකු යොදවා බෝම්බය මිලදී ගන්නා බව පවසා සැකකරු මෙලෙස අත්අඩංගුවට ගෙන ඇත.

සැකකරු පොලිසිය වෙත ප්‍රකාශ කර ඇත්තේ තම මිතුරෙකු සතුව තිබූ බෝම්බයක් ඔහුගෙන් සොරකම් කර මෙලෙස විකිණීමට උත්සහ කළ බවය.

සැකකරු මත්කුඩු පානය කිරීම සඳහා ඇබ්බැහි වී සිටින අයෙකු බවත් ඔහු අපරාධ ගණනාවක් සඳහා නඩු රැසක් ඇති පුද්ගලයෙකු බවත් පොලිසිය පවසයි.

සැකකරු කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිත අතර කැස්බෑව පොලිසිය සිද්ධිය සම්බන්ධයෙන් වැඩිදුර විමර්ශන ආරම්භ කර ඇත.

Related posts

හදිසි නීතීය / ඇඳිරි නීතිය පැනවීමට රජය හේතු කියයි

colombotoday

ඉතිහාසයේ දිනක් තුළ විශාලතම භාණ්ඩාගාර බිල්පත් වෙන්දේසිය හෙට

Admin

දඹර අමිල හිමි, වියන්ගොඩ, රත්නප්‍රිය, ධර්මසිරි, සමනලී ඇලෝසියස්ගෙන් සල්ලි අරන්

colombotoday

“සිමෙන්ති මිල ඉහළ දැමීමට විරෝධය දක්වමින් මාස තුනකට සිමෙන්ති වැඩ නවත්වන්න”

colombotoday

මරික්කාර්ගේ ඇගිලි ගැසීමට තනූජාත් එරෙහි වෙයි.. සිරසේ සියලු තනතුරු දමා ගෙදර යයි !

colombotoday

ජනාධිපති කාර්යාලයේ දනුම්දීමෙන් සියලු දෙනා ඉල්ලා අස්වෙයි

Admin