සපුගස්කන්ද තෙල් පිරිපහදුව දෙවන වරටත් අද (03)සිට තාවකාලිකව වසා දැමීමට බලශක්ති අමාත්‍යාංශය තීරණය කර තිබේ.
ඒ, රටේ උද්ගතව පවතින විදේශ විනිමය අර්බුදය හමුවේ බොරතෙල් මිලදී ගැනීමේ දුෂ්කරතාව හේතුවෙන් ය.
කෙසේ වෙතත් සපුගස්කන්ද පිරිපහදුවට අවශ්‍ය බොරතෙල් සිංගප්පූරුවේ සැපයුම්කරුවෙකුගෙන් ණය පහසුකම් මත මෙට්‍රික් ටොන් 90,000ක් ආනයනය කිරීමට පියවර ගෙන ඇතැයි ඛනිජ තෙල් සංස්ථාවේ සභාපති සුමිත් විජේසිංහ මහතා සඳහන් කරයි.
ඔහු පවසන්නේ, ලබන 23 හෝ 24 දෙදින තුළ එම බොරතෙල් තොගය මෙරටට ලැබීමට නියමිත බව ය.
ඒ අනුව සපුගස්කන්ද තෙල් පිරිපහදුව ලබන 26 වැනිදා නැවත විවෘත කිරීමට අපේක්ෂා කරන බව බලශක්ති අමාත්‍යාංශය ප්‍රකාශ කළේ ය.