වැලිපැන්න පොලිස් වසමේ වලගෙදර ප්‍රදේශයේ දී පුද්ගලයෙකු ට පහරදී ඝාතනය කර තිබේ.
අදාළ පහරදීමෙන් බරපතළ තුවාල ලැබූ පුද්ගලයා කළුතර නාගොඩ රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇති බවට වැලිපැන්න පොලීසියට තොරතුරක් ලැබුණු බව පොලිස් මාධ්‍ය ඒකකය සඳහන් කරයි.
එලෙස මියගොස් ඇත්තේ වයස අවුරුදු 71ක් වූ මනන්නාවත්ත, වලගෙදර ප්‍රදේශයේ පදිංචිකරුවෙකි.
දෙපාර්ශවයක් අතර ඇති වු ආරවුලක් දුරදිග යෑම හේතුවෙන් මරණකරු පදිංචිව සිටි නිවසට පැමිණි පිරිසක් විසින් සිදුකළ පහරදීමක් හේතුවෙන් එම ඝාතනය සිදුව ඇත.
මෘත ශරීරය කළුතර රෝහලේ තැන්පත් කර තිබේ.
සැකකරුවන් අත්අඩංගුවට ගෙන ඇති අතර, වැලිපැන්න පොලීසිය වැඩිදුර විමර්ශන සිදුකරයි.