තමිල්නාඩුවේ වෙසෙන ශ්‍රී ලාංකික සරණාගතයන් සියළු දෙනා කඩිනමින් යළිත් ගෙන්වා ගැනීම සදහා ලක් රජය ඉන්දියානු රජයේ සහය ඉල්ලා තිබෙන බවට වාර්තා වනවා.
ද හින්දු පුවත්පත වාර්තා කර තිබුණේ යුධ ගැටුම් පැවති අවධියේ සරණාගතයින් ලෙස ඉන්දියාවට ගිය පිරිස් මේ වන විට ශ්‍රී ලංකාවට පැමිණීම ආරම්භ කර ඇති බවයි.
ඒ අනුව පසුගිය අගහරුවාදා මෙලෙස ඉන්දියාවට ගොස් සිටි සරණාගතයන් 41 දෙනෙකු යළි ශ්‍රී ලංකාවට පැමිණියා. මෙලෙස ඉන්දියාවේ සිට යළි පැමිණෙන සරණාගතයන් හමුදා භාරයෙන් නිදහස් කළ උතුරේ ඉඩම්වල යළි පදිංචි කිරීමට කටයුතු කරන බවද පසුගිය සමයේ මාධ්‍ය වාර්තා පලවී තිබුණා.