ශ්‍රී ලංකාවේ ආරක්ෂක අංශ සදහ උපදෙස් ලබා දීමට විශේෂ අනේවාසික ආරක්ෂක උපදේශකයෙකු පත් කිරීමට බ්‍රිතාන්‍ය රජය විසින් පියවර ගන්නා බව දිවයිනට පැමිණ සිටින බ්‍රිතාන්‍ය විදේශකටයුතු අමාත්‍ය හියුගෝ ස්වයර් ඊයේ ප්‍රකාශ කලේය.
කොළඹ කිංස්බරි හෝටලයේ පැවති සමුළුවකට සහභාගීවෙමින් ඔහු වැඩිදුරටත් පැවසූවේ මොල්ටා රාජ්‍යයේ ඉකුත් වසරේ පැවති පොදුරාජ්‍ය මණ්ඩලීය රාජ්‍ය නායක සමුළුවේදී ජනාධිපති මෛත්‍රිපාල සිරිසේන මහතා සහ බ්‍රිතාන්‍ය අගමැති ඩේවිඩ් කැමරන් අතර පැවති හමුවේදී මේ සම්බන්ධයෙන් සාකච්ඡා කර ඇති බවයි.
මෙම ආරක්ෂක උපදේශකයා පත්කිරීමත් සමග ශ්‍රී ලංකාව හා බ්‍රිතාන්‍ය අතර සම්බන්ධතා වර්ධනය කිරීමටත් ආරක්ෂක අංශ ඒකාබද්ධ වී කටයුතු කිරීමටත් හැකියාව උදාවන බවයි.
ජිනීවා මානව හිමිකම් කවුන්සිලයේදී සම්මත වූ ශ්‍රී ලංකාව සම්බන්ධයෙන් වූ යෝජනාවලියේ නිර්දේශ මේ වසරේ ජූනි මාසයට පෙර ක්‍රියාත්මක කිරීමට ශ්‍රී ලංක රජය පියවර ගත යුතු බවද බ්‍රිතාන්‍ය වි‍දේශ අමාත්‍යවරයා ශ්‍රී ලංකාවට පැමිණිමට පෙර විශේෂ නිවේදනයක් නිකුත් කරමින් කියා සිටියේ.