අයවැය යෝජනා අනුව බලපත්‍ර ගාස්තු සහ බදු ගෙවීමට සිදු වීම නිසා තම ආයතනය ඇතුළු තවත් මැත්පැත් නිෂ්පාදන ආයතන 25ක් වැසීයාමේ අවදානමට ලක්ව ඇති බව සීමාසහති රෝක්ලන්ඩ් ඩිස්ටලරීස් සමාගම පවසයි.
සිය ආයතනය වසර 90කට වඩා පැරණි එකක් බවත්, මෙවැනි අසාධාරණ ආකාරයට බදු සහ බලපත්‍රගාස්තු කිසිදවසක වැඩිවී නොමැති බවද එම සමාගමේ අධ්‍යක්ෂක රමාල් සිරිවර්ධන පවසයි.
වාර්ෂිකව මිලියන 150ක් ගෙවීම කිසිම අයුරකින් කළ නොහැකි බවද ඔහු කියා සිටී. බොතල් කිරීමට එක බලපත්‍රයක්ද, ස්කාගාරයට තවත් බලපත්‍රයක්ද ගැනීමට සිදුව ඇති බවද රමල් මහතා පැවසීය.
එසේම මධ්‍යසාර බදු 30%කින් වැඩි කර ඇති බවත්, දැනට මත්පැන් ආදායමින් 60%කටත් වැඩි ප්‍රමාණයක් රජය බදු ලෙස අයකරගන්නා බවත් ඔහු සඳහන් කළේය. අදාල බලපත්‍ර වලට ගෙවීමට සිදුවන්නේ ඉතිරිවන 40%න් බවද ඔහු පෙන්වා දුන්නේය.