World

ඉන්දියාව යළි විදෙස් සංචාරකයන්ට විවෘත වෙයි

‘කොවිඩ් 19’ ආසාදිතයන් සැලකිය යුතු අන්දමින් අඩුවීමත් සමඟ ඊයේ (15)දින සිට ඉන්දියාව යළි විදෙස් සංචාරකයන්ට විවෘත කෙරුණි.

ඒ අනුව, අනුමත කළ ‘කොවිඩ් 19’ ප්‍රතිශක්තිකරණ එන්නත් මාත්‍රා ලබාගත් විදෙස් සංචාරකයන්ට සෞඛ්‍ය නීතිරීති යටතේ ඉන්දියාවට ඇතුළුවීමට අවසර හිමිවෙයි.

ඊට අමතරව, රටට ඇතුළු වීමට පැය 72 කට පෙර, ‘කොවිඩ් 19’ සඳහා පරීක්ෂණයකට යොමු වී, ‘කොවිඩ් 19’ ආසාදිතයකු නොවිය යුතු වෙයි‍.

ඉන්දීය රජය, සෞඛ්‍ය නිර්දේශ සැලකිල්ලට ගනිමින්, විදෙස් සංචාරකයන් සඳහා රට විවෘත කෙරුණේ අධියර කීපයක් යටතේය. ඊයේ (15)දින ඉන්දියාවට ඇතුළු වීමට අවසර ලැබුණේ විශේෂයෙන් ආසන වෙන් කරවා ගනිමින් ඉන්දියාවට පැමිණෙන විදෙස් සංචාරකයන්ටය.

සාමාන්‍ය ගුවන් ගමන් මගින් පැමිණෙන විදෙස් සංචාරකයන්ට ඉන්දියාවට ඇතුළු වීමට ඉඩ ලැබෙන්නේ ලබන නොවැම්බර් 15 වැනිදා සිට යැයි ඉන්දීය සංචාරක කටයුතු අමත්‍යාංශය නිකුත් කළ නිවේදනයක දැක්වෙයි.

‘කොවිඩ් 19’ වසංගතය හේතුවෙන් ඉන්දියාව විදෙස් සංචාරකයන් සඳහා වසා දැමීම සිදුවූයේ 2020 මාර්තු මාසයේ සිටය. ඉන්දියාව පළමු වරට මුළුමනින්ම ලොක්ඩවුන් කෙරුණේ ද 2020 මාර්තු මාසයේය.

Related posts

භූමදාන සහ ආදාහන වෙනුවට මිනිස් මළ සිරුරුවලින් කම්පෝස්ට් පොහොර හදයි

Admin

ටෙටෝවෝ නගරයේ කොවිඩ් රෝහලක ගින්නක්

colombotoday

එක්සත් රාජධානිය සමග රටවල් රැසකින් සංචාරක තහනමකක්.

colombotoday

ලොව පළමු වරට අභ්‍යවකාශ යානයක් සූර්යයාගේ වායු කලාපයට ඇතුළු වෙයි (වීඩියෝ)

colombotoday

පුරවැසිභාවය ලබා දීමට සූදානමක්

colombotoday

බෝධිගයාවේ බෝම්බ පිපිරවූ ත්‍රස්තවාදීන්ට දඬුවම්

colombotoday