කොවිඩ් ව්‍යාප්තිය හේතුවෙන් අත්හිටුවා තිබූ කොළඹ – යාපනය අභ්‍යන්තර ගුවන් ගමන් සේවා යළි ආරම්භ කිරීමට සංචාරක අමාත්‍යාංශය පියවර ගෙන තිබේ.
ඒ අනුව නොවැම්බර් මස මැද භාගයේදී අභ්‍යන්තර ගුවන් ගමන් ආරම්භ කෙරෙනු ඇත.
සෞඛ්‍ය මාර්ගෝපදේශ ද සැලකිල්ලට ගනිමින් එම ගුවන් ගමන් සිදු කරන ලෙසට සංචාරක අමාත්‍ය ප්‍රසන්න රණතුංග මහතා විසින් අදාළ බලධාරීන්ට උපදෙස් දී තිබේ.
පසුගිය වසරේ මාර්තු මසට පෙර රත්මලාන ගුවන් තොටුපළේ සිට යාපනය පළාලි ගුවන් තොටුපළ දක්වා සතියකට දෙවරක් ගුවන් ගමන් මෙම අභ්‍යන්තර ගුවන් ගමන් සේවාව සිදුකෙරිණි.
එය දෛනිකව සිදුකිරීමේ හැකියාව පිළිබදව සොයා බලන ලෙසත්, ඒ සදහා අවශ්‍ය පියවර ගන්නා ලෙස ද සංචාරක අමාත්‍යවරයා විසින් නිලධාරීන්ට උපදෙස් ලබාදී තිබේ.