මට්ටක්කුලිය ප්‍රදේශයේ ග්‍රාම නිලධාරිනියකගේ ස්වාමි පුරුෂයා ඝාතනය කිරීමේ සිද්ධියක් සම්බන්ධයෙන් යුද හමුදා කෝප්‍රල්වරයෙකු සැකපිට අත්අඩංගුවට ගෙන තිබේ.
නිවේදනයක් නිකුත් කරමින් යුද හමුදා මූලස්ථානය සඳහන් කළේ මට්ටක්කුලිය යුද හමුදා කඳවුරට අනුයුක්තව සේවය කළ කෝප්‍රල්වරයෙකු මෙලෙස අත්අඩංගුවට ගෙන විමර්ශන සඳහා පොලීසිය වෙත භාරදී ඇති බවය.
යුද හමුදාපති, ජෙනරාල් ශවේන්ද්‍ර සිල්වා මහතාගේ උපදෙස් මත ශ්‍රී ලංකා යුද හමුදා පොලිස් හේවා බලකාය මගින් සිදුකළ විමර්ශනයකින් අනතුරුව අදාළ ඝාතනයට මෙම කෝප්‍රල්වරයා සම්බන්ධ බවට තොරතුරු අනාවරණය වී තිබේ.