මත්ද්‍රව්‍ය ජාවාරම්කරුවෙකු හා සංවිධානාත්මක අපරාධ කල්ලි සාමාජිකයෙකු වන අමිල ප්‍රසංග හෙට්ටිහේවා හෙවත් සන්ෂයින් සුද්දා නමැත්තාට වෙඩි තබා ඝාතනය කිරීමේ සිද්ධිය සම්බන්ධයෙන් ඔහුගේ අනියම් බිරිඳගේ සැමියා ඊට ආධාර අනුබල දිම හා කුමන්ත්‍රණය කිරීම සම්බන්ධයෙ අත්අඩංගුවට ගෙන තිබේ.
සැකකරු මිරිස්ස හේන්වල පදිංචි 34 හැවිරිදි හෝටල් හිමිකරුවෙකු වන සැකකරු අද අධිකරණයට ඉදිරිපත් කිරිමට නියමිතය.
සන්ෂයින් සුද්දා ඉකුත් 3 වැනිදා මිරිස්ස හේන්වල පිහිටි අනියම් බිරිඳගේ නිවසට පැමිණ යමින් සිටියදි කොටවිල පොලිස් වසමේ වරකපිටිය ප්‍රදේශයේදි වෙඩි තබා ඝාතනය කෙරිණ.
සන්ෂයින් සුද්දා ඝාතනය කිරීම සඳහා ඝාතකයින් පැමිණි බව කියන වාහනය හා එහි හිමිකරු මීට පෙර අත්අඩංගුවට ගැනිණ.
එලෙස අත්අඩංගුවට ගෙන තිබුණේ, වැල්ලම්පිටියේ පදිංචි 33 හැවිරිදි පුද්ගලයෙකි.
වෙඩික්කරුවන් පැමිණි බවට CCTV දර්ශන මගින් හඳුනා ගත් වෑන් රථය පසුදින බණ්ඩත්තර වේල්ල අසල දමාගොස් තිබියදී තිහගොඩ පොලිස් නිලධාරින් විසින් සොයාගනු ලැබිණ.