සයිනෝෆාම් එන්නත් මාත්‍රා දෙකම ලබා සිටි මැදවච්චිය ප්‍රාදේශීය සභාවේ සභාපතිවරයාටත් එම එන්නත් මාත්‍රා එකක් පමනක් ලබා ගෙන සිටි එම සභාවේම මන්ත්‍රීවරුන් දෙදෙනෙකුට සහ ඔවුන්ගේ පවුල් වල ආශ්‍රිතයින් හතර දෙනෙකුටත් කොරෝනා වෛරසය ආසාදනය වී ඇත. එමෙන්ම මැදවච්චිය ප්‍රාදේශීය ලේකම් කාර්යාලයේ බැංකු කළමණාකරවරයෙකුටත් කොරෝනා වෛරසය වැලදීම ඇති බව මැදවච්චිය සෞඛ්‍ය වෛද්‍ය නිලධාරි කාර්යාලය සඳහන් කර සිටියි.
ඒ අනුව මේ වන විට මැදවච්චිය නගරයේ විවිධ සේවා සමූපකාර සමිතියේ, ප්‍රාදේශීය සභාවේ සහ ප්‍රාදේශීය ලේකම් කාර්යාලයේ නව කොවිඩ් පොකුරු හමු වෙමින් පවත්න බව මහජන සෞඛ්‍ය පරික්ෂක වරුන් කියයි.
මීට පෙර මැදවච්චිය මූල්‍ය බැංකු ආශ්‍රිත කොවිඩ් පොකුරක් සහ ඇගලුම් කම්හල් ආශ්‍රිතව මෙන්ම නාවික හමුදා කදුවුරේ කොවිඩ් පොකුරු හදුනාගත් බවත් එම ආයතන සියල්ලේම මේ වන විට කොවිඩ් රෝගීන් බිහි වීම පාලනය කර ඇති බවත් මැදවච්චිය සෞඛ්‍ය අංශ වාර්තා සඳහන් කර සිටියි.
එන්නත් කරණය ලබා සිටින පිරිස් නිවැරිදි සෞඛ්‍ය උපදෙස් කඩ කිරීම හේතුවෙන් නැවත කොවිඩ් ආසාදනය වෙමින් පවත්න බවත් එන්නත් මාත්‍රා දෙකම ලබා සිටින පිරිස් පවා සෞඛ්‍ය උපදෙස් කඩ කිරීමෙන් වලකින ලෙස මහජන සෞඛ්‍ය පරික්ෂක වරුන් මැදවච්ච්ය ජනතාවගෙන් ඉල්ලා සිටි.
මැදවච්චය – සජිත් ගයාන් උබේපාල