Colombo Today Local News

මුඛ පිළිකා රෝගීන් 09 ගුණයකින් ඉහළට

මෙරට පසුගිය වසර 20 තුළ මුඛ පිළිකා රෝගීන් 09 ගුණයකින් පමණ ඉහළගොස් ඇතැයි සෞඛ්‍ය අමාත්‍යාංශයේ ජාතික පිළිකා මර්දන ඒකකය පවසයි.

පුවක් භාවිතය මීට ප්‍රධාන හේතුව ලෙස හඳුනාගෙන ඇති බවද එම ඒකකය සඳහන් කළේය.

පිරිමි පුද්ගලයින් අතර මුඛ පිළිකා බහුල වන බවත් කාන්තාවන් අතර බහුලතම පිළිකාවන් 10 අතරට මෙම මුඛ පිළිකා රෝග තත්ත්වය අයත් බවද එම ඒකකය පෙන්වා දෙයි.

2019 වසරේ දී නව මුඛ පිළිකා රෝගීන් 2,700ක් පමණ වාර්තා වී ඇති බව පෙන්වාදෙන ජාතික පිළිකා මර්දන ඒකකය දෛනිකව මුඛ පිළිකා ආශ්‍රිත මරණ දෙකක් හෝ තුනක් සිදුවන බවද සදහන් කළේය.

දැනට වාර්තා වී ඇති රෝගීන්ගෙන් සියයට 60ක් පමණ පසු අවදියේ පසුවන අතර අවසන් අවදියේ පිළිකාවලට ප්‍රතිකාර කිරීමෙන් පසු ජීවත්වීමේ හැකියාව ද අඩුවන බව එම ඒකකය සඳහන් කරයි.

මුල් අවස්ථා‍වේ හඳුනාගැනීමෙන්, ප්‍රතිකාර කිරීම මගින් රෝගය උත්සන්නවීම වළක්වා ගත හැකි බවද ජාතික පිළිකා මර්දන ඒකකය පවසයි.

මේ අතර ලෝක හිස සහ ගෙළ ආශ්‍රිත පිළිකා දිනය අදට (27) යෙදී තිබේ.

Related posts

ලාංකිකයන් 40,000කට රැකියා අවස්ථා අහිමිවෙයි.. විදේශිකයන් බුරුතු පිටින් ඇවිත් මෙරට කම්කරු රැකියාවේ !

colombotoday

2002 අලි කොටි ගිවිසුම සහ 2019 ව්‍යවස්ථා මර උගුල ඇසුරෙන් ජවිපෙ ඩීල්වාදය තේරුම් ගනිමු.

colombotoday

පොල්පිතිගම සමූපකාර ඡන්දයෙන් ජවිපෙට දැවැන්ත ජයක්.. 2/3 ඉක්මවා 3/4ට ආසන්නයි..

Admin

ශ්‍රවණාබාධිතයින්ටත් රියදුරු බලපත්‍ර

Admin

ශ්‍රීලනිප – මහින්ද අවබෝධතා ගිවිසුමක්… නව ආණ්ඩුවක් හදන්න දිවුරුම් ප්‍රකාශවලට අත්සන් ගනී

colombotoday

මේ ජාතිකවාදී මත දරන ගිහි-පැවිදි නායකයන්ට සිර කුටිය උරුමවන යුගයක් !

colombotoday