භාරත ලක්ෂ්මන් ප්‍රේමචන්ද්‍ර ඝාතනය කිරීමේ චෝදනා මත දැනට මරණ දඬුවම නියම වී සිටින හිටපු පාර්ලිමේන්තු මන්ත්‍රී දුමින්ද සිල්වා මහතා අද (24) පොසොන් පොහොය නිමිත්තෙන් ලබාදෙන විශේෂ ජනාධිපති සමාව යටතේ බොහෝ දුරට නිදහස් කිරීමට නියමිතව ඇති බව දැනගන්නට ඇත.
අද දහවල් ඒ මහතා නිදහස් කිරීමට නියමිතව ඇති බවට ලැබුණු ආරංචිය මත එම අවස්ථාව ආවරණය කිරීම සඳහා මාධ්‍යවේදීන් ද බන්ධනාගාරය අසලට පැමිණෙමින් සිටියි.
හිටපු පාර්ලිමේන්තු මන්ත්‍රීවරයෙකු වූ භාරත ලක්‍ෂමන් ප්‍රේමචන්ද්‍ර ඇතුළු සිව් දෙනෙකුට වෙඩි තබා ඝාතනය කිරීම පිළිබඳව වැරදිකරුවන් වූ හිටපු පාර්ලිමේන්තු මන්ත්‍රි දුමින්ද සිල්වා, අනුර තුෂාර ද මෙල්, චමින්ද රවී ජයනාත් නොහොත් දෙමටගොඩ චමින්ද, සරත් බණ්ඩාර, ප්‍රියන්ත ජනක බණ්ඩාර යන 5ස් දෙනාට මරණීය දණ්ඩණය නියම කෙරුණේ, 2016 වසරේ සැප්තැම්බර් මස 8 වෙනිදාය.