අන්තර් ජාලය ඔස්සේ බාල වයස්කාර දැරියක ලිංගික කටයුතු සඳහා අලෙවි කළ පුද්ගලයකු ගල්කිස්සේදී අත්අඩංගුවට ගෙන තිබේ.
පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කළේ, සැකකරු ගල්කිස්ස ප්‍රදේශයේ නිවසක් කුලියට ගෙන දැරිය රඳවා ගෙන ඇයගේ ඡායාරූප අන්තර්ජාලය ඔස්සේ පළ කරමින් ලිංගික කටයුතු සඳහා අලෙවි කර ඇති බවයි.
15 හැවිරිදි එම දැරිය දෙල්ගොඩ ප්‍රදේශයේ පදිංචිකාරියකි.
මේ සම්බන්ධයෙන් දැරියගේ මවගෙන් ද ප්‍රකාශයක් ලබා ගෙන තිබේ.
අත්අඩංගුවට ගත් 35 හැවිරිදි සැකකරු මොරටුව මහේස්ත්‍රාත් අධිකරණයට ඉදිරිපත් කිරිමෙන් පසු රක්ෂිත බන්ධනාගාරගත කර තිබේ.
දැරිය ලිංගික කටයුතු සඳහා මිලදී ගත් පුද්ගලයින් සම්බන්ධයෙන් විමර්ශන ආරම්භ කර ඇතැයි, නියෝජ්‍ය පොලිස්පති අජිත් රෝහණ මහතා සඳහන් කළේ ය.