වත්තල හේකිත්ත මාර්ගයේ පොලිස් විශේෂ කාර්ය බලකාය විසින් ක්ෂණික මාර්ග බාධකයක් යොදා වාහන පරික්ෂා කරමින් සිටියදී මත්පෙති තොගයක් සමඟ පුද්ගලයෙකු අත්අඩංගුවට ගෙන තිබේ.
ඊයේ (18) උදෑසන යතුරුපැදියක් නවතා සිදුකළ පරික්ෂා කිරීමේදී සැකකරු සන්තකයේ තිබී “Pregablin 150 mg” වර්ගයේ මත්පෙති 690 ක් සොයාගෙන ඇති බව සඳහන්ය.
සැකකරු වත්තල ප්‍රදේශයේ පදිංචි 24 හැවිරිදි පුද්ගලයෙක්.
මත්පෙති සහ සැකකරු වැඩිදුර විමර්ශන සඳහා වත්තල පොලිස් ස්ථානය වෙත භාර දී ඇත.