Colombo Today Local News

විජේදාස රවීගේ රෙදි ගලවයි

ඇමෙරිකානු ඩොලර් ලක්‌ෂ තුනක්‌ ආයෝජනය කරන විදේශිකයන්ට වසර පහක්‌ දක්‌වා මෙරට නේවාසික වීසා පහසුකම් ලබාදීම සම්බන්ධ යෝජනාවක්‌ කැබිනට්‌ මණ්‌ඩලයට ඉදිරිපත්ව නැතැයි අධිකරණ හා බුද්ධශාසන ඇමැති විජයදාස රාජපක්‌ෂ මහතා පැවසීය.

එවැනි යෝජනාවක්‌ කැබිනට්‌ මණ්‌ඩලයට ඉදිරිපත් වුවහොත් ඊට කිසි ලෙසකින්වත් එකඟ නොවන බව ද කී ඇමැතිවරයා එවැනි වීසා පහසුකම් ලබාදීමට ගියහොත් රටේ ආරක්‌ෂාවට මෙන්ම විශාල ප්‍රශ්න ඇතිවනු ඇතැයි ද කියා සිටියේය.

ඩොලර් ලක්‌ෂ තුනක්‌ යනු ඉතාම කුඩා මුදලක්‌ බවත් එවැනි මුදලකින් කොළඹින් මිලදී ගත හැකි වනුයේ පර්චස්‌ දෙකක්‌ වැනි ඉඩමක්‌ බව ද හෙතෙම සඳහන් කළේය.

එවැනි මිලකට වීසා ලබාදීම තුළින් දේශීය සුළු ව්‍යාපාරිකයන්ට විශාල ගැටලුවක්‌ ඇතිවන බවත් එවැනි යෝජනාවක්‌ විහිළුවට හේතුවන කාරණයක්‌ බවත් ඒ මහතා පැවසීය.

එවැනි යෝජනාවක්‌ මෙතෙක්‌ කැබිනට්‌ මණ්‌ඩලයට ඉදිරිපත්ව නැතැයි ද එවැන්නක්‌ ඉදිරිපත් වුවහොත් කැබිනට්‌ මණ්‌ඩලයේදී එය පරාජය කරන බවත් ඔහු පැවසීය.

මුදල් ඇමැතිවරයා විසින් පෙරේදා (12 දා) කරන ලද ප්‍රකාශයක්‌ සම්බන්ධව ‘දිවයින’ පුවත්පත කළ විමසීමකදී ඔහු මේ බව කියා සිටියේය.

Related posts

සියවස් 2ක් නෙදර්ලන්තයේ තිබූ මහනුවර යුගයට අයත් කෞතුක භාණ්ඩ 6ක් යළි මෙරටට

Admin

වෙළෙඳපොළේ කිසිදු ගෑස් හිඟයක් නැහැ – ලාෆ්ස් ගෑස් සමාගම කියයි

Admin

බස්නාහිර සභාවේ ගද යවන්න ලක්ෂ 160ක යන්ත්‍රයක් ගෙනෙයි.. සුවද පුරවන්න වසරකට වැයවන මුදල කෝටි තුනයි…

colombotoday

කුරුණෑගල නගරාධිපති වැරදිනම් ඔහුගේ මයිලකට නෙවෙයි පංචස්කන්දයටම නීතිය ක්‍රියාත්මක කරනවා.. අප එය සහතික කරනවා..

colombotoday

වීරසිංහම් ආනන්දසංගරීගේ පුතු කැනඩා අමාත්‍ය මණ්ඩලයට

Admin

සංහිදියාවට බාධාවක්.. අම්පාර, ඉරක්කාමම්හි බුදු පිළිමය ඉවත් කරන්න.. පල්ලි සම්මේලනය ඉල්ලයි

colombotoday