Colombo Today Local News

ජපානයේ සේවය කල ශ්‍රී ලාංකිකයෙක් මරුට… සැකකරුත් ශ්‍රී ලාංකිකයෙක්

ජපානයේ ටෝකියෝ නගරයේ ඊසාන දෙසින් පිහිටි ඉබරාකි ප්‍රාන්තයේදී ශ්‍රී ලාංකිකයෙකු මරණයට පත් වී තිබේ.

ඉබරාකි ප්‍රාන්ත පොලිසිය එය මනුෂ්‍ය ඝාතනයක් යැයි සැක කර විමර්ශනය කරන බව එරට මාධ්‍ය වාර්තා කළේය.

එලෙස මරණයට පත් වී ඇත්තේ, 45 හැවිරිදි උපුල් රෝහණ ධර්මදාස නම් පුද්ගලයෙකි.

පසුගිය ඉරිදා (ජූනි 5) බන්ඩෝ නගරයේ පිහිටි කර්මාන්ත ශාලාවක සේවකයින් පිරිසක් අතර ගැටුමක් හටගෙන ඇතැයි පොලිසියට දුරකතන ඇමතුමක් ලැබී ඇත.

එම අවස්ථාවේදී අදාළ ශ්‍රී ලාංකිකයා වම් උරහිසෙහි ලේ ගලමින් සිටියදී හමු වූ බව ඉබරාකි පොලිසිය ප්‍රකාශ කර තිබේ.

පොලිසිය ඔහු රෝහල්ගත කිරීමට කටයුතු කළ ද ඒ වන විටත් ඔහු ජීවිතක්ෂයට පත්වී ඇතැයි වෛද්‍යවරු තහවුරු කර ඇත.

මිය ගිය ධර්මදාස බන්ඩෝ නගරයේ දිවි ගෙවා තිබේ.

එම ස්ථානයේ තිබී ලේ තැවරුණු පිහියක් පොලිසිය සොයා ගෙන ඇතැයි ජපාන මාධ්‍ය සඳහන් කර ඇත.

මිය ගොස් ඇති පුද්ගලයාට එම කර්මාන්ත ශාලාවේ ම සේවය කරන තවත් 29 හැවිරිදි ශ්‍රී ලාංකිකයෙකු සමග ගැටලු පැවති බවට බොහෝ සේවකයින් පොලිසියට ප්‍රකාශ කර තිබේ.

එම ශ්‍රී ලාංකිකයා ද අපරාධ වූ ස්ථානයේ සිට ඇති බවත් මේ වන විට ඔහුගෙන් පොලිසිය ප්‍රශ්න කරන බව ත් ජපාන මාධ්‍ය වාර්තා කළේය.

Related posts

නව බදු ප්‍රතිපත්තිය අද සිට ක්‍රියාත්මකයි.. මාසික වැටුපට 4% සිට 24% දක්වා ආදායම් බදු… සම්පූර්ණ විස්තරේ මෙන්න

colombotoday

විශේෂ පාර්ලිමේන්තු සැසිවාරයක්

colombotoday

නාමල් කුරුණෑගලට?

Admin

‘මට කියන ජාති මම දන්නව.. මහත්මා ගාන්ධි තරම් මම තවම බැනුම් අහල නෑ‘ – ජනපති

colombotoday

“කොටි ඩයස්පොරාව නැවතත් හිස ඔසවනවා… ජාතික ආරක්ෂාව දුර්වල වෙලා” – කරුණා අම්මාන්

colombotoday

එළඹෙන උත්සවය සමය වෙනුවෙන් ඉන්ධන කෝටාව වැඩිවෙන්නේ මෙහෙමයි

Admin