හෙයියන්තුඩුව දේවමිත්ත ප්‍රදේශය හරහා යන අධිවේගී මාර්ගයේ දෙපස දැල සවි කිරීම සදහා යොදා තිබෙන යකඩ බට කපා සොරකම් කළ බව කියන පුද්ගලයකු අත්අඩංගුවට ගත් බව සපුගස්කන්ද පොලිසිය පවසයි.
එම බට මිලදී ගත් බව කියන පුද්ගලයකු ද පොලිස් භාරයට ගත් බවද පොලිසිය සදහන් කරයි.ෙ
එම අධිවේගී මාර්ගයට සම්බන්ධ තාක්ෂණ නිලධාරීවරයා කළ පැමිණිල්ලක් මත සිදු කළ විමර්ශනයකින් පසුව සැකකරුවන් අත් අඩංගුවට ගැනීමට හැකි වු බවත් පොලිසිය කීවේය.
අත්අඩංගුවට ගත් පුද්ගලයින් දෙදෙනා මාබිම හා ගෝනවල යන ප්‍රදේශවල පදිංචිකරුවන් වන අතර ඔවුන් පොදු දේපල පනත යටතේ මහර මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.