රාජ්‍ය හා පෞද්ගලික අංශයේ වෘත්තිය සමිති රැසක් එක්ව ක්‍රියාත්මක අඛණ්ඩ වැඩ වර්ජනය අද (11) තුන්වැනි දිනටත් ක්‍රියාත්මක වේ.
වෘත්තිය සමිති සම්බන්ධීකරණ මධ්‍යස්ථානයේ සමකැඳවුම්කරු වසන්ත සමරසිංහ සදහන් කරන්නේ, සෞඛ්‍ය, වරාය, විදුලිය ආදි ක්ෂේත්‍ර රැසක වෘත්තිය සමිති සාමාජිකයින් වැඩ වර්ජනයට එක්ව සිටින බවයි.
සෞඛ්‍ය වෘත්තිකයින් ද වැඩ වර්ජනයට සහය පළ කරන බව වෘත්තිය සමිති සම්බන්ධීකරණ මධ්‍යස්ථානයේ සමකැඳවුම්කරු රවී කුමුදේශ් පවසයි.
මීට අමතරව ශ්‍රී ලංකා පරිපාලන නිලධාරීන්ගේ සංගමය ආරම්භ කළ වෘත්තිය සමිති ක්‍රියාමාර්ගය ද තවදුරටත් ක්‍රියාත්මකයි.
මේ අතර විදුහල්පති ශ්‍රේණීධාරි සංගමය ද අද(11) දිනයේ වැඩ වර්ජනයක නිරත වන බව නිවේදනයක් නිකුත් කරමින් සදහන් කරයි.