බැඳුම්කර ගනුදෙනුව සඳහා වගකිව යුත්තේ අග්‍රමාත්‍ය රනිල් වික්‍රමසිංහ, මලික් සමරවික්‍රම සහ කබීර් හෂීම් බවත් පැත්තක සිටි රවී කරුණානායක නොවන බවත් දුෂණ විරෝධී පෙරමුණේ සභාපති පුජ්‍ය උලපනේ සුමංගල හිමි පවසනවා. ඒ බැඳුම්කර දූෂිතයන්ට එරෙහිව නීතිය ක්‍රියාත්මක කලයුතු බව පවසමින් අද(5) පැවති මාධ්‍ය හමුවකදීයි.
මහ බැංකු බැඳුම්කරයේ සැබෑ හොරු හෙලි කළ යුත්තේ විජ්ජා පෙන්වීමකින් තොරව බවත් රවී කරුණානායක ඇමතිවරයා මුදල් ඇමති ලෙස කටයුතු කලද මහබැංකුව ඔහු යටතේ නොතිබුන බවත් මෙහිදී උලපනේ සුමංගල හිමි අවධාරණය කර සිටියේය.
“දූෂිතයන්ට එරෙහිව නීතිය ක්‍රියාත්මක කරණු” යැයි රජයට බලකරමින් හෙට (6) උදේ 9.30 ට පාර්ලිමේන්තු වට රවුමේදී උද්ඝෝෂණයක් පැවැත්වෙන බවත් මෙහිදී උන්වහන්සේ සඳහන් කර සිටියා.