පුජ්‍ය පිටිදූවේ සිරිධම්ම හිමියන් මල්වතු පාර්ශ්වයේ මහා නායක අති පුජ්‍ය තිබ්බටුවාවේ ශ්‍රී සුමංගල නා හිමියන්ගෙන් සහ මල්වතු පාර්ශ්වයේ කාරක සංඝ සභාවෙන් සමාව ගනු ලැබුවා.
ඒ, පසුගිය දිනවල ශ්‍රී දළදා වහන්සේ සහ මල්වතු විහාරය සම්බන්ධයෙන් සිදුකරන ලද ප්‍රකාශ පදනම් කර ගනිමින්. පුජ්‍ය පිටිදූවේ සිරිධම්ම හිමියන් ශ්‍රී දළදා වහන්සේ සහ මල්වතු විහාරය සම්බන්ධයෙන් සිදුකළ ප්‍රකාශ පිළිබදව සමාව ගැනීමට ඊයේ (15) මල්වතු මහා විහාරයට පැමිණියා.
එහිදී අනාවරණ වුණේ පුජ්‍ය පිටිදූවේ සිරිධම්ම හිමියන් මේ මස 1 වැනිදා සිට මල්වතු විහාර පාර්ශ්වයෙන් ඉවත් කිරීමට තීරණය කර තිබු බවයි.
මල්වතු විහාර කාරක සංඝ සභාව ලිපියක් මගින් පුජ්‍ය සිරිධම්ම හිමියන්ට දැනුම් දී ඇත්තේ එම ප්‍රකාශය සම්බන්ධයෙන් නිදහසට කරුණු දක්වන ලෙසයි.
ඒ අනුව පූජ්‍ය පිටිදූවේ සිරිධම්ම හිමියන් අද මල්වතු මහා නා හිමියන් ඉදිරියේදී වාචිකව සමාව ගනු ලැබුවා. කෙසේ වෙතත්, එය ලිඛිතව ඉදිරිපත් කරන ලෙස මල්වතු කාරක සංඝ සභාව එහිදී දැනුම් දී තිබෙනවා. සිරිධම්ම හිමියන් එය ලිඛිතව ඉදිරිපත් කිරිමෙන් අනතුරුව මල්වතු පාර්ශ්වයේ මහා නායක හිමියන් එය පිළිගනු ගෙන තිබෙනවා.
පිටිදූවේ සිරිධම්ම හිමියන් පැවසූ දේ පහතින්..