හිටපු යුද හමුදාපති ජගත් ජයසූරිය මහතාට එරෙහිව යුද අපරාධ චෝදනා නඩු ගොනු කිරීම පසුබිමේ ශ්‍රී ලාංකිකයන් සිව්දෙනකු සිටින බව ආරක්‍ෂක අංශ අනාවරණය කරගෙන ඇත.
මින් එක් අයකු ශ්‍රී ලංකා අධිකරණය මගින් ත්‍රස්‌තවාදී ක්‍රියා පිළිබඳව සිර දඬුවම් නියම වූවෙකි. මෙම ශ්‍රී ලාංකිකයන් සිව්දෙනාගෙන් දෙදෙනෙක්‌ කාන්තාවෝ වෙති.
මේ අතර මෙම යුද අපරාධ චෝදනා නඩු ගොනු කිරීම සඳහා කටයුතු කළ එක්‌සත් ජාතීන්ගේ හිටපු නිලධාරිනී යස්‌මින් සුකාට අරමුදල් සපයා ඇත්තේ යුරෝපා සංගමය මගින් බව ද අනාවරණය වී ඇත. කොටි ඩයස්‌පෝරාව යස්‌මින් සුකා හඳුන්වන්නේ සුකා සහෝදරි නමින් බව ද හෙළි වී තිබේ. මේ අතර හිටපු හමුදාපති ජගත් ජයසූරිය මහතා පැවසුවේ තමාට එරෙහි යුද අපරාධ චෝදනා නැති බව හිටපු එක්‌සත් ජාතීන්ගේ නිලධාරිනී රාධිකා කුමාරස්‌වාමි මහත්මිය පැවසූ බවයි.
කීර්ති වර්ණකුලසූරිය – දිවයින