ශ්‍රී ලංකා මුස්ලිම් කොංග්‍රසයේ හිටපු ලේකම් එම්.ටී. හසන් අලී සහ එම පක්ෂයේ හිටපු සභාපතිවරයා මෙන්ම හිටපු අමාත්‍යවරයෙකු වන බසීර් සේගුදාවුද්ගේ මූලිකත්වයෙන් නව දේශපාලන පක්ෂයක් පිහිටුවීමේ කටයුතු මේ දිනවන සිදුවෙමින් පවතින බවට වාර්තා වනවා.
“තුය මුස්ලිම් කොංග්‍රසය“ (නිර්මල මුස්ලිම් කොංග්‍රසය) නමින් පිහිටුවන මෙම නව දේශපාලන පක්ෂයේ බිම් මට්ටමේ සංවිධාන කටයුතු නැගෙනහිර පළාත කේන්ද්‍රකරගනිමින් මේ දිනවන සිදු කෙරෙමින් පවති අතර, පළාත් පාලන මැතිවරණය පැවැත්වීමට පෙර, මාසයක් ඇතුලත සමුළුවක් පවත්වා පක්ෂයේ නව නියෝජිතයින් තෝරාපත්කරගැනීමට නියමිතය.
මේ පිළිබදව දමිළ මාධ්‍ය වෙත් අදහස් දක්වමින් හිටපු අමාත්‍ය බසීර් සේගු දාවුද් ප්‍රකාශ කර ඇත්තේ, නව පක්ෂයේ ව්‍යවස්ථාය අල් කුරානය පදනම් කරගෙන සකස් කරන බවයි. පක්ෂයට නව නායකයෙකු පත් නොකෙරෙන බවත්, නායකත්ව මණ්ඩලයක් හරහා පක්ෂයේ කටයුතු මෙහෙයවන බවත් හෙතෙම වැඩි දුරටත් ප්‍රකාශ කර ඇත.