හිටපු ජනාධිපති මහින්ද රාජපක්ෂ මහතාට සහ පවුලේ අයට එල්ල වූ දූෂණ චෝදනා සාධාරණ සැකයකින් තොරව මෙතෙක් ඔප්පු කර නොමැති බව වරාය හා නාවික කටයුතු අමාත්‍ය මහින්ද සමරසිංහ මහතා සඳහන් කළේය.
ඒ මහතා මේ බව පැවසූයේ (06දා) පැවැති මාධ්‍ය සාකච්ඡාවකදී අදහස් දක්වමිනි.
වසර දෙකහමාරක් ගතවී ඇතත් එම කටයුතු සිදුකිරීමට නොහැකි වීම හේතුවෙන් වර්තමාන ආණ්ඩුව මැතිවරණයට පෙර සඳහන් කළ එම කරුණු බොරු බවට පිළිගන්නා තත්ත්වයක් ඇතිවී තිබෙන බවද හෙතෙම පවසා සිටියේය.
අදාළ පරීක්ෂණ කටයුතු සිදුකර අවශ්‍ය නීතිමය කටයුතු සිදු නොකළහොත් අනාගතයේ දිනක තමාට එහි බලපෑම ඇතිවන බවට අවස්ථා ගණනාවකදී ජනාධිපති මෛත්‍රීපාල සිරිසේන මහතා පවසා තිබෙන බවද ඒ මහතා එහිදී සඳහන් කළේය.