Colombo Today Local News

ඥාණසාර හිමි ඝාතන තැතක්..! පොලීසිය අධිකරණයට කරුණු වාර්තා කරයි

බන්ධනාගාර ගතව සිටින අපරාධකරුවන් කිහිප දෙනෙකු විසින් බොදු බල සේනා සංවිධානයේ මහ ලේකම් ගලගොඩ අත්තේ ඥානසාර හිමියන් ඝාතනය කර ආගම් බේදයක් ඇතිකිරීමේ සැලැස්මක් සම්බන්ධයෙන් ලද පැමිණීල්ලකට අදාළව විමර්ශනයක් ආරම්භ කර ඇතැයි සංවිධානාත්මක අපරාධ නිවාරණ කොට්ඨාසය අද(31) කොළඹ ප‍්‍රධාන මහේස්ත‍්‍රාත් අධිකරණය වෙත කරුණු වාර්තා කළේය.

බොදු බල සේනා සංවිධානයේ ප‍්‍රධාන විධායක නිලධාරී ආචාර්ය දිලන්ත කුමාර විතනාගේ මහතා  විසින් පොලිස්පතිවරයාට සිදුකරන ලද පැමිණිල්ලකට අදාළව මෙම විමර්ශනය තම කොට්ඨාසය වෙත භාරදී ඇති බවත්, සිරගතව සිට පැමිණී පුද්ගලයකු  විසින් ජනාධිපතිවරයා වෙත යොමු කරන ලද ලිපියකට අදාළව මෙම පැමිණිල්ල ලැබී ඇති බවත් එම කොට්ඨාසය වැඩිදුර බී වාර්තාවක් මගින් අධිකරණයට කරුනු ඉදිරිපත් කර ඇත.

එසේම, මෙම සිරගතව සිටි පුද්ගලයා  විසින් ඉකුත් 2015 වර්ෂයේදී මේ සම්බන්ධයෙන් මහේස්ත‍්‍රාත්වරයකු වෙත රහස් ප‍්‍රකාශයක් ද ලබා දී තිබූ අතර, බන්ධනාගාරය තුළ සිට අපරාධකරුවන් විසින් අපරාධ මෙහෙයවීමට අවස්ථාව සලසා දෙන්නේ බන්ධනාගාර  නිලධාරීන් බැවින් මේ සම්බන්ධයෙන් ජනාධිපතිවරයා දැනුම්වත් කිරිම සඳහා මෙම ලිපිය යොමු කර තිබූ බවටත් එහි සඳහන්ව ඇතැයි පොලීසිය වැඩිදුරටත් අධිකරණයට කරුණු වාර්තා කර ඇත.

Related posts

ගෝඨාට එරෙහි ඇමරිකාවේ නඩු බල රහිත වේ

colombotoday

මාලිගාවත්ත සලාම් ජුම්මා පලිලියෙන් මතුවූ අවි ආයුධ මෙන්න

colombotoday

කල්දේරමකට වැටී පිළිස්සුණු රැඳවියෙකු මියයයි

colombotoday

කෘෂිකර්ම අමාත්‍යාංශය යටතේ ඇති සියලු ආයතනවල නිවාඩු අවලංගු කෙරේ

colombotoday

“බුදුන්ට පිදූ බිමේ බුදු පිළිමයක් හදන්න වැලි කැටයක් ගන්න අපට අවසර නැද්ද”

colombotoday

ලිට්‍රෝ සමාගමේ සභාපති විජිත හේරත් ඉල්ලා අස්වෙයි

colombotoday