පසුගියදා ශ්‍රී ලංකා නිදහස් පක්ෂ සංවිධායක ධුරවලින් ඉල්ලා අස් වූ ඩලස් අලහප්පෙරුම හා බන්දුල ගුණවර්ධන යන මන්ත්‍රීවරුන්ගෙන් වූපුප්පාඩු සඳහා පත්වීම් සිදු කිරීමට ශ්‍රීලනිප සභාපති ජනාධිපති මෛත්‍රීපාල සිරිසේන මහතා කටයුතු කර තිබේ.
ඒ අනුව ශ්‍රී ලංකා නිදහස් පක්ෂයේ මාතර දිස්ත්‍රික් සංවිධායක ලෙස මුදල් රාජ්‍ය අමාත්‍ය ලක්ෂමන් යාපා අබේවර්ධන මහතාත් හෝමාගම නව ආසන සංවිධායක ලෙස බස්නාහිර පළාත් අමාත්‍ය ගාමිණී තිලකසිරි මහතාත් පත් කර ඇත.
තිලකසිරි මහතා මෙම පත්වීම සම්බන්ධයෙන් අදහස් දැක්වීමට පැවැත් වූ මාධ්‍ය හමුවකදී පවසා ඇත්තේ හිටපු නායක මහින්ද රාජපක්ෂ විසින් හෝමාගම ආසනයේ සංවිධායකයින් පත් කිරීමේදී දීර්ග කාලයක් පක්ෂය තුළ සිටි තමන්ව නොසලා හැරිය බවත් එක්සත් ජාතික පක්ෂයෙන් පැමිනි අයට සංවිධායක තනතුරු ඇතුළු විශේෂ වරප්‍රසාද හා වරදාන පිරිනැමූ බවත්ය.