යාපනය නවක්කුලියේ සිංහල ගම්මානයේ ඉදිකරමින් පැවති චෛත්‍ය යේ ඉදිකිරීම් කටයුතු නතර කරන ලෙස චාවාකච්චේරි ප්‍රාදේශීය සභාව ලිඛිතව දැනුම් දීමක් කර ඇත.
නාවක්කුලි ජාතික නිවාස අධිකාරයට අයත් ඉඩමෙහි සිංහල ජනතාව ජීවත් වන ප්‍රදේශයේ මෙම චෛත්‍ය ඉදිකිරිමේ කටයුතු සිදු කරමින් පවතින අතර, මුල් ගල තැබීමෙන් පසු හමුදාවේද සහය ඇතිව ඉදිකිරීම් කටයුතු සිදුවිය.
ප්‍රාදේශිය සභාවේ අවසරය ලබා නොගෙන නීතිවිරෝධීව මෙම ඉදිකිරීම් සිදුවන බව පවසමින් මෙම ඉදිකිරීම් කටයුතු වහා නතර කරන ලෙස චාවාකච්චේරි ප්‍රාදේශීය සභාව දැනුම් දී ඇත. මේ අතර, චෛත්‍ය ඉදිවන ඉඩම ජාතික නිවාස අධිකාරියට අයත් එකක් බැවින් එයට අනුමැතිය ලබා දිය නොහැකි බව තෙන්නමාරච්චි ප්‍රාදේශීය ලේකම් කාර්ලය විසින් ද දැනුම් දී ඇත.
මෙම චෛත්‍ය ඉදිකිරීමට එරෙහිව ද්‍රවිඩ සන්ධානයෙන්ද පසුගිය සමයේ දැඩි බලපෑම් එල්ල වූණු අතර, වත්මන් ජාතික සංහිදියා ඇමති ධුරය දරණ මනෝ ගනේෂන් මහතා ද කලකට පෙර ද්‍රවිඩ සන්ධාන මන්ත්‍රීවරුන් සමග එහි ගොස්, නාවක්කුලියෙන් පිටව යන ලෙස එහි සිංහල වැසියන්ට තර්ජණය කර තිබිණි.