යතුරුපැදියකින් ගමන් කරමින් සිටි පුද්ගලයින් දෙදෙනෙකු කොළඹ – නුවර ප්‍රධාන මාර්ගයේ 9 කණුව අසල දි වෙඩි තබා ඝාතනය කර තිබේ.
තවත් යතුරු පැදියකින් පැමිණි පුද්ගලයින් දෙදෙනෙකු විසින් ඊයේ(24) රාත්‍රී වෙඩි තැබීම සිදුකර ඇති බව පොලිසිය පවසයි.
තුවාලකරුවන් කිරිබත්ගොඩ රෝහලට සහ ජාතික රෝහලට ඇතුළත් කිරිමෙන් පසු මියගොස් ඇත.
මියගොස් ඇත්තේ පෑලියගොඩ ප්‍රදේශයේ පදිංචිව සිටි අවුරුදු 30 සහ 31 වයස්වල පසුවන පුද්ගලයින් බව අනාවරණය වී තිබේ.
පොලිසිය සැක පළකරන්නේ සංවිධානාත්මක අපරාධ කල්ලි දෙකක් අතර ඇතිවු ආරවුලක් මත වෙඩි තැබීම සිදුවන්නට ඇති බවටය.
කඩවත පොලිසිය සිද්ධිය සම්බන්ධයෙන් වැඩිදුර විමර්ශන ආරම්භ කර තිබේ.