බදුල්ල දිස්ත්‍රික් ලේකම් කාර්යාලයේ ආයුබොවන් යනුවෙන් සදහන් පුවරුවක ශ්‍රී ලංකා රජයේ නිල භාෂා ලෙස පිළිගැනෙන සිංහල, දෙමළ, සහ ඉංග්‍රීසි භාෂාවන්ට අමතරව අරාබි භාෂාවද සදහන්ව ඇති අයුරු ෆේස්බුක් හරහා සංසරණය වන ඡායාරූප කිහිපයක දක්නට ලැබේ.
ලංකාවේ නිල භාෂාවක් නොවුණු අරාබි භාෂාව රජයේ පරිපාලන කාර්යාලයක ප්‍රදර්ශනය කිරීම ගැටළුකාරී තත්ත්වයක් වන අතර, මෙරට නීති රෙගුලාසිවලට පටහැණිව අරාබි භාෂාව මෙලෙස රජයේ කාර්යාලයක ප්‍රදර්ශනය කිරීමෙන් හැගවෙන්නේ නිල භාෂාවක් ලෙස එය යහපාලන රජය පිළිගෙන ඇති බවද?
සංහිදියාව තකා ජාතික ගීයත් භාෂා දෙකකින් කියන රටක, මෙවැනි සිදුවීම් ඉදිරියටත් සිදුවීම අරුමයක් නොවේ. මෙම පුවරු ප්‍රදර්ශනය වීමෙන් කියවෙනු ලබන්නේ සිංහල, දෙමළ, ඉංග්‍රීසි නිල භාෂා 3න් එකක්වත් නොදන්නා පිරිසක් බදුල්ලේ සිටිනවාදැයි යන්න ප්‍රශ්නාර්ථයකි.
