ගාල්ල – මාතර මාර්ගයේ අහංගම ප්‍රදේශයේදී සිදුවූ රිය අනතුරකින් රුසියානු ජාතික කාන්තාවක් මියගොස් තිබේ.
ඊයේ (20) සවස් කාලයේදී එම අනතුර සිදුව ඇති බව පොලීසිය පවසයි.
මාතර දෙස සිට ගාල්ල දෙසට ධාවනය වූ යතුරුපැදියක් ඉදිරියෙන් ගමන්ගත් ලොරි රථයකට ඉස්සර කිරීමට යාමේදී එම ලොරි රථයේ ගැටී අදාළ අනතුර සිදුව තිබුණි.
එම අනතුරින් බරපතළ තුවාල ලැබූ යතුරපැදියේ පැදිකාරිය එම ස්ථානයේදීම මියගොස් ඇත.
එලෙස මියගොස් ඇත්තේ, 38 හැවිරිදි රුසියානු ජාතික කාන්තාවකි.
ලොරි රථ රියදුරගේ අපරික්ෂාකාරී හා නොසැලකිලිමත් රිය ධාවනය හේතුවෙන් මෙම අනතුර සිදුව ඇති බව පොලීසිය පවසයි.
සිද්ධිය සම්බන්ධයෙන් ලොරි රථ රියදුරු අත්අඩංගුවට ගෙන ඇති අතර අහංගම පොලීසිය වැඩිදුර විමර්ශන සිදුකරයි.