රට විවෘත කිරීමට ගෙන ඇති තීරණය වෙනස් විය හැකි බව ප්‍රාථමික සෞඛ්‍ය සහ කොරෝනා මර්දන රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසයි.
අමාත්‍යවරිය සදහන් කළේ රට යළි විවෘත කිරීමේ සම්බන්ධයෙන් එම තීරණය ගන්නා අවස්ථාවේ තිබූ තත්ත්වය මේ වන විට නොමැති බවයි.
මේ වන විට වාර්තා වන කොවිඩ් ආසාදිතයින්ගේ සංඛ්‍යාව කැපීපෙනන ලෙස ඉහළ ගොස් ඇති බව අමාත්‍යවරිය පැවසීය.
ඒ අනුව කොවිඩ් අවදානම පිළිබදව සලකා බලා ඉතා කල්පනාකාරීව මේ මොහොතේ තීන්දු තීරණ ගැනීමට සිදුවන බව විශේෂඥ වෛද්‍ය සුදර්ශනී ප්‍රනාන්දුපුල්ලේ අමාත්‍යවරිය වැඩිදුරටත් සදහන් කරයි.