රටතුළ යහපාලනය පවතින බැවින් උතුරු පළාත තුළත් මේ වන විට සාමාකාමී තත්ත්වයක් උදාවී ඇති බැවින් තව දුරටත් උතුරේ හමුදාව රදවා තැබීමේ අවශ්‍යතාවක් නැති බව උතුරු පළාත් ප්‍රධාන ඇමති සී.වී. විග්නේෂ්වරන් පවසයි.
දිවයිනට පැමිණ සිටින යුරෝපා සංගමයේ නියෝජිතයින් පිරිසක් සමග පැවත් වූ සාකච්ඡාවකට එක්වෙමින් ඔහු මේ බව පවසා තිබේ.
උතුරු පළාත තුළ මේ වනවිට ලක්ෂයකට ආසන්න හමුදා සාමාජිකයින් පිරිසක් රැඳි සිටින අතර එය කිසිසේත් අවශ්‍ය කරුණක් නොවන බවත් යුද්ධය නිමා වී මේ වනවිට වසර 7 ක් ගත වී ඇති නමුත් ජනතාවගේ ගැටළුවලට නිසි විසඳුම් ලැබී නොමැති බවත් උතුරු පළාත් මහ ඇමතිවරයා පවසයි.
උතුරු පළාතේ සිටින යුද හමුදා සාමාජිකයින් ඉවත් කිරීමට රජයේ අවධානය යොමු කරන්නැයි ද මහ ඇමතිවරයා යුරෝපා සංගමයේ නිලධාරීන්ගෙන් ඉල්ලා තිබේ.