බෑණා පැදවූ ටිපර් රථයට යට වීමෙන් නැන්දම්මා මියගොස් ඇතැයි නවගමුව පොලිසිය පවසයි.
අනතුරින් මියගොස් ඇත්තේ නවගොමුව සුදු විල ප්රෙදේශයේ පදිංචිව සිටි පැපිලියාන ගේ හේමමාලි (66) යන සිව් දරු මවකි.
අනතුරින් මියගිය කාන්තාව නිවසේ තනිවම පදිංචිව සිටින අතර වැඩිමහල් දියණිය විවාහ වී සිටින බෑනා වන ටිපර් රථ රියදුරු ඇයට දහවල් ආහාර රැගෙන ටිපර් රථයේ සිටම එය ලබා දී ඇතැයි පොලීසිය සඳහන් කරයි.
ආහාර පාර්සලේ රැගෙන මියගිය කාන්තාව ලොරි රථයේ ඉදිරිපසින් ගමන් කිරීමේදී මාර්ගයේ තාර ගැට්ටේ ගැටී පය ලිස්සා වැටීමෙන් එම ටිපර් රථයේ ඉදිරිපස රෝදයටම යටවී ඇතැයි පොලිස් විමර්ශනවලදී අනාවරණය වී ඇත.
බරපතල තුවාල ලද එම කාන්තාව නවගමුව රෝහලට ඇතුළත් කිරීමෙන් අනතුරුව මියගොස් ඇත.
නවගමුව පොලිසියේ ස්ථානාධිපති ප්‍රධාන පොලිස් පරීක්ෂක ලයනල් ප්ර්නාන්දු මහතාගේ උපදෙස් මත පොලිස් සැරයන් 56992 රෝහිත මහතා ඇතුළු කණ්ඩායමක් පරීක්ෂණ පවත්වයි.