ඓතිහාසික නාගදීප රාජ මහා විහාරයේ ඉදි කිරීමට නියමිත නව බුද්ධ ප්‍රතිමා වහන්සේ ඉදිකිරීමට එරෙහිව යෝජනාවක් අද උතුරු පළාත් සභාවට ඉදිරිපත්කෙරී ඇත.
දෙමළ ජාතික සන්ධානයේ මන්ත්‍රී වින්දන් කනගරත්නම් විසින් මෙම යෝජනාව ඉදිරිපත් කර ඇති අතර, අදාළ ප්‍රතිමාව ඉදිකිරීම වහාම නතර කරන ලෙසට උතුරු පළාත් සභාවේ ප්‍රධාන අමාත්‍යවරයා මධ්‍යම ආණ්ඩුවෙන් ඉල්ලා සිටිය යුතු බවට එම යෝජනාවේ සදහන්ව තිබෙනවා.
කෙසේ වෙතත් මෙම යෝජනාවෙන් ජාතිවාදී ගැටළු ඇතිවිය හැකි බව පවසමින් උතුරු පළාත් සභාවේ පක්ෂ විපක්ෂ බොහෝ මන්ත්‍රීවරුන් පිරිසක් එයට විරුද්ධත්වය ප්‍රකාශ කර ඇති අතර ඒ හේතුවෙන් යෝජනාව සම්බන්ධයෙන් විවාදයක්ද සිදු කෙරී නැති බවයි වාර්තා වන්නේ.