වෛරයෙන් නොව බුද්ධිමත්ව තීන්දු තීරණ ගෙන නොවැම්බර් ඡන්දය භාවිත කරන ලෙස සමඟි ජන බලවේගයේ හිටපු පාර්ලිමේන්තු මන්ත්‍රී නලීින් බණ්ඩාර මහතා ජනතාවගෙන් ඉල්ලයි.
“මිනිස්සු මාලිමාවට ඡන්දය දුන්නේ ඇයි? මිනිසු තුළ වෛරයක් ඇති කළා. ඒ වෛරය මත පදනම්ව තමයි සැප්තැම්බර් 21 මාලිමාවට ඡන්දය දුන්නේ. 225ම හොරුයි කිව්වා. මේ රට අවුරුදු 76ක සාපයකට ලක්වුණා කිව්වා. ඒ අවුරුදු 76 සපයා ගැන කියල මෙතෙක් කල් බලයේ හිටපු පාර්ශ්වයන් ගැන වෛරයක් ඇති කළා.
ඒ වගේම රාජ්‍ය සම්පත් භුක්ති විදිනවා කිව්වා. සැප වාහනවල යනවා කිව්වා. නිල නිවාස පාවිච්චි කරනවා කිව්වා. ජනාධිපති මන්දිර අයින් කරනවා කිව්වා. නිල නිවාස අයින් කරනවා කිව්වා. හිටපු ජනාධිපතිවරුන්ගේ වරප්‍රසාද කප්පාදු කරනවා කිව්වා. මේ විදිහට වෛරයක් හැදුව සමාජය තුළ. ඒ අනුව තමයි සැප්තැම්බර් 21 මේ රටේ මිනිස්සු මාලිමාවට ඡන්දය දුන්නේ. ඒ වෛරය මත පදනම්ව.
දැන් මොකක්ද අපි ජනතාවට කියන්නේ. නොවැම්බර් මාසේ ඡන්දේ දෙන ජනතාව දැන් වෛරය පහකරගෙන තියෙන්නේ. බුද්ධිය මත පදනම්ව ඡන්දෙ දෙන්න. තමන්ගේ බුද්ධියට අනුව තීන්දු තීරණ අරන් ඡන්දේ දෙන්න කියල තමයි ඉල්ලන්නේ.”