ජනාධිපතිවරණයේ තැපැල් ඡන්ද භාවිත කිරීමට දින දෙකකටත් අඩු කාලයක් තුළ දී රාජ්‍ය සේවකයන්ගේ සහ ත්‍රිවිධ හමුදා සාමාජිකයන්ගේ වැටුප් වැඩි කරන බව රනිල් වික්‍රමසිංහ ප්‍රකාශ කළ ද, පසුගිය ජූලි 08 වැනි දින මුදල් අමාත්‍යාංශයේ ලේකම්, මහින්ද සිරිවර්ධන එවැනි වැඩි කිරීමක් කළ නොහැකි බව පැහැදිලිව දක්වා තිබේ.
ඔහු මේ බව දත්ත ගෙනහැර පාමින්, පැහැදිලි කරනු ලැබී ය. රාජ්‍ය සේවකයන්ගේ වැටුප රුපියල් දසදහසකින් ඉහළ දැමුවහොත්, අමතරව රුපියල් කෝටි 14,000ක් වැය වන බවත්, එය විසිදහසකින් ඉහළ දැමුවහොත්, අමතරව රුපියල් කෝටි 28,000ක් අවශ්‍ය බවත් පෙන්වා දී තිබේ. එමෙන්ම වැටුප රුපියල් දසදහසකින් වැඩි කරන්නේ නම්, වැට් බදු අවම වශයෙන් 21%ක් දක්වාවත් වැඩි කිරීමට සිදු වනු ඇතැයි පෙන්වා දී තිබේ.