Colombo Today Local News

අධිවේගී මාර්ගයේ බස්නාහිරින් පිටවීමේ දොරටුවලදීත් අහඹු කොරෝනා පරීක්ෂණ

අධිවේගී මාර්ගයේ බස්නාහිර පළාතෙන් පිටවීමේ දොරටුවලදි අහඹු කොරෝනා පරීක්ෂණ සිදුකිරීම ආරම්භ කර තිබේ.

නියෝජ්‍ය සෞඛ්‍ය සේවා අධ්‍යක්ෂ ජනරාල්, විශේෂඥ වෛද්‍ය හේමන්ත හේරත් මහතා පැවසුවේ, පළාත් බලධාරීන් විසින් තෝරා ගත් පිටවීමේ දොරටුවලදී මෙම අහඹු පරීක්ෂණ සිදු කරනු ඇති බවයි.

රථවාහන අධිවේගී මාර්ගයට ඇතුළු කිරීමෙන් පසු මග නවතා අහඹු පරීක්ෂණ සිදු කිරීම ප්‍රා‌යෝගික නොවන බව ද නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා පැවසී ය.

බස්නාහිර පළාතෙන් පිටතට යන පුද්ගලයින් සඳහා කොරෝනා පරීක්ෂණ සිදු කිරීම ආරම්භ වූයේ, පසුගිය 18 වැනිදා සිටයි.

එදින බස්නාහිර පළාතෙන් පිටතට යාමට සූදානම්වූවන් අතරින් 431 දෙනෙකු අහඹු ලෙස පරීක්ෂාවට ලක් කළ අතරින් ඉන් 5 දෙනෙකු කොවිඩ් ආසාදිත බවට හඳුනා ගැනිණ.

ජංගම පරීක්ෂක ස්ථාන යොදවා මෙම පරීක්ෂණ සිදු කරන අතර නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා අද (22)දින පැවසුවේ, ප්‍රධාන මාර්ග ආශ්‍රිතව අහඹු පරීක්ෂණ සිදු කරන ස්ථාන ඉදිරියේදී වෙනස් කරමින් පරීක්ෂණ සිදු කරන බවයි.

Related posts

රන්ජන් නිදහස්… මනුෂගෙන් තනතුරකුත්

colombotoday

පොල් හිඟය තව මාස තුනක්

Admin

පනත් කෙටුම්පත් සියල්ල අහෝසියි.. පාර්ලිමේන්තුව කල් තැබීමෙන් වෙන දේ මෙන්න

colombotoday

2022 දී ලොවපුරා මිලියන 735ක් කුසගින්නේ.. – එක්සත් ජාතීන්ගේ සංවිධානය වාර්තාවක් නිකුත් කරයි

Admin

සුරාබදු ලොක්කෙක් රටින් පැනීමේ සූදානමක?

Admin

මුලතිව් කෝකිලායි බුදු පිළිමයක් පොළොවේ ගහලා

Admin