යුද්ධය හේතුවෙන් වසර 26 ක් පුරාවට ආරක්ෂක අංශ භාරයේ තිබූ වවුනියාව, කුඩිඉරිප්පු ප්‍රදේශයේ ස්ථාපිත කර තිබූ යුද හමුදා කඳවුරෙන් හමුදාව ඉවත් වී කඳවුර පවත්වාගෙන ගිය ගොඩනැගිල්ල යළි වවුනියාව දිස්ත්‍රික් ලේකම් කාර්යාලය වෙත භාරදී ඇත.
වන්නි ආරක්ෂක සේනා මූලස්ථානයට අයත් හමුදා කඳවුරක් වන මෙම කුඩිඉරිප්පු කඳවුර මගින් යුද සමයේදීත්‍රස්තවාදී ක්‍රියාවන්ගෙන් සිංහල, දෙමළ හා මුස්ලිම් වැසියන්ගේ ආරක්ෂාව සැලසීමට මහත් කැපවීමක් සිදුකළ කඳවුරකි.
පසුගිය සතියේ පිරිසක් මෙම යුද හමුදා කදවුර ඉදිරිපිට උද්ඝෝෂණය කරමින් හමුදාව මෙම ප්‍රදේශයෙන් ඉවත්වන ලෙස බල කරන ලදී..
