Colombo Today Local News

වායු රයිෆලයක් හා පතරොම් 129 ක් සමග හාලිඇල පාසලකට අනවසරෙන් ඇතුළුවූ 4ක් අත්අඩංගුවට

හාලිඇල ප්‍රදේශයේ විද්‍යාලයක දරු දැරියන්ට මනෝවිද්‍යාත්මක වැඩසටහනක් පවත්වන බව පවසමින් අනවසර වැඩමුළුවක් පැවැත්වීමට පැමිණි සැකකරුවන් 04 දෙනෙකු අත්අඩංගුවට ගෙන තිබේ.

සැකකරුවන් සන්තකයේ තිබී ගමන් කථන 03 ක් සහ වායු රයිෆලයක් හා ඒ සඳහා භාවිත කරනු ලබන පතරොම් 129 ක් සිය භාරයට ගත් බව පොලීසිය සඳහන් කළය.

මෙම මනෝවිද්‍යාත්මක වැඩසටහන පැවැත්වීමට පැමිණි උපදේශකවරයා කළු පැහැති ඇඳුමින් සැරසී පුද්ගලික ආරක්ෂකයින් පිරිසක් සමග පැමිණ ඇති බවටත්, ඔවුන් ගමන් කථන සහ ගිනි අවියක් තබාගෙන සිටින බවටත් හාලිඇල පොලීසියට පැමිණිල්ලක් ලැබී තිබේ.

පසුව පොලීසිය කළ විමර්ශනවලදී අනාවරණය වී ඇත්තේ මෙම වැඩසටහන කිරීම සඳහා පළාත් අධ්‍යාපන අධ්‍යක්ෂකවරයාගේ හෝ කලාප අධ්‍යාපන අධ්‍යක්ෂකවරයාගේ අනුමැතිය ලබා ගෙන නොමැති බවයි.

එමෙන්ම මෙම වැඩසටහන මෙහෙය වන උපදේශකවරයා කිසිඳු ලියාපදිංචි ආයතනයක හෝ එවැනි වැඩසටහන් පැවැත්වීම සඳහා සුදුසුකම් ලද්දකු නොවන බව හෙළි වී තිබේ.

මෙම සිද්ධිය සම්බන්ධයෙන් අත්අඩංගුවට ගනු ලැබු සැකකරුවන් 04 දෙනා අද (2) බදුල්ල මහේස්ත්‍රාත් අධිකරණයට ඉදිරිපත් කිරීමට නියමිතයි.

පාසල් ළමුන් පිළිබඳ කටයුතු කිරීමේදී නොදන්නා පුද්ගලයින් මෙන්ම නොගැළපෙන ආකාරයේ පුද්ගලයින් පාසල් තුළට කැඳවා ගැනීමෙන් වළකින්නැයි, පොලීසිය නිලධාරින්ගෙන් ඉල්ලා සිටී.

Related posts

රිලා සංගණනයේ සමස්ථ ප්‍රතිඵල එළියට – ලාල් රට යවද්දී ජගත් දූපතකට පටවයි

colombotoday

ඇමති අනුකමිටු වාර්තාව එයි.. IOC බේරා ඛණිජ තෙල් සංස්ථාව මත වරද පටවයි !

colombotoday

දේශීය කිරිපිටි වැඩිවන මිල මෙන්න

colombotoday

පුත්තලමේ පදිංචිකරුවන් ඡන්දය දාන්න මන්නාරමට අදින්න බදුර්දීන් බස්රථ 200ක් යොදවයි

colombotoday

ජිනීවා සමුළුව ඉලක්ක කර සිදුවන රණවිරු දඩයම නවත්වන්න. ගෝලීය ශ්‍රී ලාංකික සංසදයෙන් ජනාධිපතිට ලිපියක්

colombotoday

රිෂාඩ් බදියුදීන්ට එරෙහි විශ්වාසභංගයට දෙමළ සන්ධානයේ මන්ත්‍රීවරු අටකගේ සහය

colombotoday