මැතිවරණ වේදිකාවේ දැඩි ලෙස දෝෂාරෝපණයට ලක්වූ හිටපු අමාත්‍ය රවී කරුණානායකගේ උතුරු කොළඹ ආසනයෙන් එක්සත් ජාතික පක්ෂයට විශිෂ්ඨ ජයග්‍රහණයක් ලැබී තිබෙන බව වාර්තා වෙනවා. එජාපය කොට්ඨාශ නාමයෙන් නමයම ජයග්‍රහණය කිරීමට සමත්ව ඇති අතර, උතුරු කොළඹ ආසනයෙන් එජාපය නියෝජනය කරමින් මන්ත්‍රීවරු 17ක් කොළඹ නගර සභාවට තේරී පත් වී තිබෙනවා.
බැඳුම්කර ගනුදෙනුව සම්බන්දයෙන් එල්ලවූ චෝදනා හේතුවෙන් තමන් දරු අමාත්‍ය දුරයෙන් ඉල්ලා අස් වීමට රවී කරුණානායක මහතා මීට මාස කිහිපයකට ඉහතදී පියවර ගනු ලැබුවා.
කෙසේ වෙතත් බැඳුම්කර ගනුදෙනුවට තමන් සම්බන්ද බවට එල්ලවූ චෝදනා සත්‍ය නොවන බවත් මහ බැංකුව සහ රාජ්‍ය බැංකු තමන් යටතේ නොතිබුණු බවත් හිටපු ඇමතිවරයා පාර්ලිමේන්තුවේදී ප්‍රකාශ කර සිටියා.