පළාත් පාලන මැතිවරණය ඉලක්ක කරගනිමින් හිටපු අමාත්‍ය බැසිල් රාජපක්ෂ මහතාගේ ප්‍රධානත්වයෙන් එක්සත් ජනතා නිදහස් සන්ධානය නියෝජනය කළ පළාත් පාලන ආයතන නියෝජිතවරුන්ගේ නව සංවිධානයක් මේ මාසයේ කොළඹදී පිහිටුවීමට නියමිතව තිබේ.ඒ අනුව ආණ්ඩු විරෝධී පුළුල් ජාතික බලවේගයක්‌ ගොඩනැගීම බදුල්ල දිස්‌ත්‍රික්‌කය කේන්ද්‍ර කරගෙන ලබන මස 02, 03, සහ 04 යන දිනයන්හිදී ආරම්භ කරන බව හිටපු අමාත්‍ය බැසිල් රාජපක්ෂ මහතා පවසා තිබේ.
ඉදිරි පළාත් පාලන ආයතන මැතිවරණයේදී ඒකාබද්ධ විපක්ෂයට සහාය පල කළ ශ්‍රී ලංකා නිදහස් පක්ෂය නියෝජනය කළ පළාත් පාලන ආයතන නියෝජිතවරුන් රැසකට නාමයෝජනා අහිමි විය හැකි නිසාත්, එක්සත් ජනතා නිදහස් සන්ධානය නියෝජනය කළ වාමාංශික දේශපාලන මතවාද දරන කණ්ඩායම්වලට නාම යෝජනා අහිමිවිය හැකි හෙයිනුත් ඕනෑම තත්ත්වයකට මුහුණදීමට සූදානමින් මෙම සංවිධාන පිහිටුවීමට තීරණය කල බව දේශපාලන ආරංචි මාර්ග සදහන් කලා.
මෙම සංවිධානය බිහි කිරිමට අදාළව පළාත් පාලන ආයතන නියෝජිතවරුන් හා ආසන මට්ටමේ ක්‍රියාකාරිකයින්ගේ සහභාගිත්වයෙන් ප්‍රාදේශීය සංවිධාන සියල්ල මේ වන විට පිහිටුවා අවසන්ව ඇති අතර මේ දිනවල දිස්ත්‍රික් කමිටු පිහිටුවීම ආරම්භ කර ඇති අතර ඒ අනුව බදුල්ල, කෑගල්ල, රත්නපුර හා කුරුණෑගල දිස්ත්‍රික්කවල දිස්ත්‍රික්ක මට්ටමේ දේශපාලන ක්‍රියාකාරිකයින්ගේ රැස්වීම් ද පවත්වා අවසන් කර ඇත. මේ ආකාරයෙන් තෝරා පත් කර ගන්නා ආසන හා දිස්ත්‍රික්ක මට්ටමේ නියෝජිතයින්ගේ සහභාගීත්වයෙන් ප්‍රධාන සංවිධානය පිහිටුවීම කොළඹදී සිදුකෙරේග.