ඉදිරි පස්වසරක කාලයකට ශ්‍රී ලංකාවේ පුනර්ජනනීය බලශක්ති වැඩසටහන සදහා ජාත්‍යන්තර සංවර්ධනය සදහා වන එක්සත් ජනපද නියෝජිතායතනයෙන් ඇමෙරිකා ඩොලර් මිලයන 19 ක ප්‍රදානයක් කළ බව ශ්‍රී ලංකාවේ ඇමෙරිකා තානාපති කාර්යාලය සදහන් කරයි.
මෙම ප්‍රදානයෙන් වසර 2030 වන විට සියයට 70 ක් දක්වා පුනර්ජනනීය බලශක්ති නිෂ්පාදනය ඉහළ නංවා ගැනීමට ශ්‍රී ලංකා රජයට සාහාය වීමත් , මෙරට බලශක්ති අංශ්‍ය විශ්වාස තැබිය හැකි දීර්ඝ කාලීන පද්ධතියටක් බවට පරිවර්තනය කිරීමටද දායක වන බව ඇමෙරිකා තානාපති කාර්යාලය කියා සිටී.
ශ්‍රී ලංකා බලශක්ති වැඩසටහන යටතේ පුනර්ජනනීය බලශක්තිය වැඩි කිරීම සදහා ඉඩ සැලසෙන පරිදි ජාතික විදුලි පද්ධතිය ශක්තිමත් කිරීම , අඩු වියදම් , තරගකාරී විකල්ප හදුනා ගැනීමට ආරම්භක තාක්ෂණ ව්‍යාපාර වලට අත දීම හා දැරිය හැකි මිළකට සියලු පුරවැසියන්ට විදුලි සැපයුම සිදු කිරීම ට අපේක්ෂා කරයි.